Historia da Lingua

Onde hai un cruceiro...

Ligazón ao álbum con música

http://photopeach.com/album/10k2uga

Manuel Curros Enríquez

Dúas presentacións para traballar no vindeiro mes de abril. A primeira delas estará dispoñible axiña.

Cristal Curros from tintarras

Das TIC ás TAC

Confeso que escribo esta entrada para saír do paso. Como todos os profes aos que nos tocou vivir a incorporación dos ordenadores ás aulas nos últimos dez anos, téñolles dedicado tempo, dedicación e cursos de formación coma este que agora me obriga escribir unha mínima reflexión sobre as TIC e a educación. Velaquí van unha poucas pingas, aínda que sexan desordenadas e motivadas pola urxencia.

1. Chegaron para quedar. Cando os ultraportátiles do proxecto Abalar sexan en pouco tempo chatarra tecnolóxica, outros equipamentos entrarán nas aulas. Xa non hai forma de ficar á marxe. Non hai horizonte laboral sen computadoras. Ata os máis aferrados ao xiz, empregan a pizarra dixital aínda que só sexa como vídeo conectado á internet. 
2. Renovación metodolóxica. Supoño que as maiores reticencias ou temores non son ás máquinas, senón ás súas posibilidades de uso. E máis concretamente os cambios que debemos afrontar para incorporalas. As TIC representan unha oportunidade de innovación educativa. 
3. TIC-TAC. A onomatopea reloxeira responde á  necesidade de pasar rapidamente das Tecnoloxías da Información e a Comunicación ás Tecnoloxías da Aprendizaxe e o Coñecemento. Este é realmente o cerne da cuestión, conserguirmos integralas no currículo escolar. Non cambiar a pedagoxía pola tecnoloxía.
4. Autonomía e Avaliación. Se as TIC favorecen a autonomía da aprendizaxe (co cambio de papel dos docentes), tamén se deben incluír procesos de autoavaliación.

FONTES

Caderno de Lingua
http://cadernodelingua.wordpress.com/2009/12/01/propostas-tic-para-o-desenvolvemento-da-competencia-linguistica/

Presentacións de Manuel Area Moreira (http://ordenadoresenelaula.blogspot.com.es/)
http://www.slideshare.net/manarea/presentations

Bestiario

Xa está na rede o bestiario elaborado polos alumnos e alumnas de 1.º ESO. Levou o seu tempo dixitalizar e subir as ilustracións, pero quedou un conxunto vistoso. Porén, o máis importante é salientar que a maioría das redaccións non se axustan ás características dos textos descritivos que se pedía neste exercicio.

Despegamos

A creación deste blog responde á demanda do curso na plataforna de formación a distancia Platega no que estou inscrito. E xa que estamos nisto, espero empregalo principalmente como canle de comunicación cos alumnos e alumnas de 1.º ESO.